Tıxacın qarşısını almaq, yoxsa tıxac yaratmaq? – Hər gün məhdudlaşdırılan küçələr

Xəbərlər

12:26, 19-09

Sürücülərin müntəzəm olaraq şikayət etdiyi mövzulardan biri də günün pik saatlarında bəzi küçə və prospektlərdə hərəkətin məhdudlaşdırılmasıdır.

DYP əməkdaşları həmin küçələrdə xidmət apararaq avtomobillərin hərəkətini saxlayır və müəyyən etdikləri növbəlilik əsasında sürücülərin hərəkətinə icazə verir. Sürücülər idda edirlər ki, bu şəhərdə tıxacları daha da artırır və yollarda saatlarla vaxt itirirlər.

Bəs Bakı şəhərində hərəkət müntəzəm olaraq məhdudlaşdırılan küçə və prospektlər hansılardır?

Siyahı:

1. Mikayıl Üseynov küçəsi, Azneft dairəsi istiqamətində;

2. Babək prospekti, Heydər Əliyev və Yusif Səfərov prospektinə çıxış;

2. Şəhər (Zabrat) prospekti - H. Əliyev (aeroport yolu) prospektinə çıxış;

3. Heydər Əliyev prospektinin köməkçi yolu mərkəz istiqamətində;

4. Q. Qarayev prospektindən “Koroğlu” qovşağına çıxış;

5. Xocalı prospektindən Y. Səfərov küçəsinə çıxış;

6. Mikayıl Əliyev küçəsindən “Koroğlu” qovşağına çıxış;

7. Salamzadə küçəsindən Z. Bünyadov prospektinə çıxış;

8. Zərdabi küçəsi, 20 Yanvar dairəsi istiqamətində;

9. Afiyəddin Cəlilov və Yusif Səfərov küçələrinin kəsişməsi, svetoforun bir neçə dövrü ərzində A. Cəlilov küçəsindən gələn axın saxlanılır;

10. A.Bakıxanov küçəsinin üstünlüyünə görə Səməd Vurğun, Azadlıq, Rəşid Behbudov küçələri svetofor fəzalarının uzadılması;

11. F.X. Xoyski prospektindən Koroğlu Rəhimov küçəsinə döngə; (səhər saatlarında)

12. Bakıxanov qəsəbəsi, Yavər Əliyev küçəsındən Heydər Əliyev prospektinə çıxış:

13. Badamdar, Kənar Dairəvi yoldan M. Müşfiq küçəsi istiqamətində;

14. M. Müşfiq küçəsi və Mətbuat prospektinin kəsişməsi, Badamdardan gələn axın məhdudlaşdırılır;

15. Ceyhun Səlimov küçəsindən 3 mikrorayon dairəsinə gedən hissə;

16. Ramana və Binə qəsəbələrindən H.Əliyev prospektinə çıxış;

Qeyd edək ki, DYP bu tədbirləri şəhərin mərkəzi hissələrində tıxacın qarşısının alınması məqsədilə keçirdiyini bildirir. Lakin belə olduğu halda şəhərdə icitimai nəqliyyat normal işləyə bilərmi?

(avtosfer.az)