Hansı dizel avtomobilləri tez-tez xarab olur? - Ən problemli 5 marka

Dizel mühərrikli avtomobillər qənaətcildir, amma hamısı deyil. Bəzi modellər sahibləri üçün əsl imtahan olur. 

Avtomedia.az xəbər verir ki, Dizel mühərrikləri ənənəvi olaraq qənaətcilliyi və yüksək fırlanma anına görə qiymətləndirilir. Bununla belə, bütün mühərriklər zamanın sınağına tab gətirmir. Ən problemli Dizel mühərrikli avtomobilləri təqdim edirik:

1. BMW N47 (2.0d)

Modellər: BMW 3 Series (E90), 5 Series (E60), X1, X3 (2007-2013)

Əsas problem: qazpaylama zənciri 100 min kilometrdən sonra uzanır və ya qırılır. Təmir isə çox vaxt mühərrikin çıxarılmasını tələb edir.

Əlavə problemlər:

Yağ itkisi

Turbinin sürətlə aşınması

Bahalı yanacaq nasosu.

2. “Renault”/”Nissan” 1.5 dCi (K9K)

Modellər: “Renault Megane”, “Duster”, “Nissan Qashqai” (2015-ci ilə qədər)

Əsas problem: aşağı keyfiyyətli yanacağa tab gətirə bilməyən həssas “Delphi” forsunkaları.

Əlavə problemlər:

EGR kokslaşması

Turbokompressor problemləri

Soyuq havada çətin işə düşmək.

3. “Ford” 2.0 TDCi (PSA)

Modellər: “Ford Mondeo”, “S-Max” (2008–2014)

Əsas problem: etibarsız turbin və tıxanmış DPF.

Əlavə problemlər:

Ümumi elektronika xətaları

Yüksək təzyiqli yanacaq sisteminin təmiri xərcləri.

4. “Opel” 2.0 CDTI

Modellər: “Insignia”, “Astra J”, “Zafira”

Əsas problem: EGR və turbinin qeyri-sabit işləməsi.

Əlavə problemlər:

Klapanların  yapışması

Kabellərin problemləri.

5. “Volkswagen” 2.0 TDI (EA189)

Modellər: “VW Passat” “B7”, “Audi A4”, “Skoda Superb” (2008-2015)

Əsas problem: tıxanmış DPF, EGR nasazlıqları.

Əlavə problemlər:

Yağ sızması

Güc itkisi.

Problemlərdən necə qaçmaq olar? Qəza və texniki xidmət tarixçəsi VIN-i yoxlayın. Alarkən diaqnostika aparın (Lent.az).