Maşındakı bu sistemə nəzarət edilməsə, qəza baş evrə bilər - FOTO

Avtomobillin hərəkət hissəsinin mühüm komponenti olan ilişmə muftası və baş silindrin nasazlığı ciddi problemlərə yol aça bilər. 

Mütəxəssislər xəbərdarlıq edirlər ki, bu hissədə yaranan nasazlıq həm avtomobilin idarəetməsinə, həm də təhlükəsizliyə birbaşa təsir edir.
Mufta sistemi hidravlikdir, pedalın hərəkətini təmin edən əsas komponent baş silindrdir. Bu hissə vasitəsilə maye hərəkətə gətirilir və ötürmənin düzgün işləməsini təmin edir. Yeni nəsil nəqliyyat vasitələrində bu sistemə əlavə sensorlar da inteqrasiya olunub ki, bu da idarəetməni daha funksional və təhlükəsiz edir.  

Nasazlığın əlamətləri nələrdir?

Baş silindrdə nasazlıq zamanı sürücülər bir sıra əlamətlərlə qarşılaşa bilərlər. Bunlar arasında pedalın işləməməsi, gec ayırma və ya ayırmama, mufta diskinin yerində fırlanması və titrəyiş daxildir. Mufta pedalının ötürməni çox tez və ya gec ayırması və ya maye səviyyəsinin aşağı olması, baş silindrin nasaz olduğunu göstərə bilər.

Transmissiya sistemində hər hansı bir nasazlıq müşahidə edilərsə, sürücülərin dərhal texniki xidmətə müraciət etməsi tövsiyə olunur.  
Avtomobil mütəxəssisləri sürücülərə xəbərdarlıq edir ki, baş silindr kimi vacib komponentlərdə yaranan nasazlıqlar yolda gözlənilməz təhlükələrə səbəb ola bilər. Bu səbəbdən də ilkin əlamətlər görünən kimi texniki müayinə vacibdir.