Sürücülərin diqqətinə: Maşının açarının yanına bu əşyaların taxılması məsləhət deyil

Türkiyədə aparılan araşdırmalar göstərir ki, milyonlarla avtomobil sahibi bilmədən alışdırma açarına əlavə etdiyi çoxlu sayda açar və aksesuar səbəbindən avtomobilin mexaniki və elektrik sistemlərində ciddi problemlərlə üzləşiblər

Mütəxəssislər bildirirlər ki, avtomobil hərəkətdə olarkən titrəmələr nəticəsində alışma silindrinin içərisindəki həssas hissələr əlavə ağırlıq səbəbilə zamanla aşınır. Bu da alışdırma mexanizminin sıradan çıxmasına, mühərrikin işə düşməsində çətinliklərə, hətta açarın tam kilidlənməsinə səbəb ola bilər.

Bundan əlavə, artıq yük səbəbindən elektrik dövrəsində yaranan nasazlıqlar avtomobilin kompüter sistemi ilə əlaqənin pozulmasına gətirib çıxara bilər ki, bu da sürücülük təhlükəsizliyinə mənfi təsir edir.

Mütəxəssislər sürücülərə tövsiyə edirlər ki, alışdırma açarını mümkün qədər yüngülləşdirərək, yalnız avtomobilə aid əsas açardan istifadə etsinlər. Digər metal bəzək əşyaların və açarların çıxarılması alışma sisteminin ömrünü uzadır və gələcəkdə bahalı təmir işlərinin qarşısını alır.